JANGKRIK BOOOOOS
Obrolan sembari ngupi bareng bang rawie...
Kalo udah wayahnya masa kampanye emang enaknya kite pade ngobrolin soal para calonan walikota...soalnya kaga dimana-mane pasti nyang di omongin entu-entu aja,ngobrol ngalor ngidul baliknya nya yakesono-sono juga...
Betul tuh (sembari nyeruput kupi) kata bang jalut..dimane-mane pada ngomongin pasangan calon walikota nyang maju ama nyang kaga maju....di ciputat ada pasangan nyang kaga dapet partai swaktu dia mao calonin dia bilang kite eni orang asli tangsel harus bisa jadi pemimpin ibarat maen lenong kite jadi pemaennya jangan jadi penontonnye!!!! itu dulu...skarang dia malah ngebelot ke pasangan laen nyang katanya bakalan dijanjiin jadi sekda kalo bakalan dia ke pilih....sambil geleng-geleng kaga kepikiran bang jalut nenggak kopinye lagi...
Bang kosim nyang dari setadi dengerin bang jalut ngebacot ngaminin omongannye bang jalut ...ada lagi bang ibarat kata duri dalam daging....orang mana-mana pada ngebelaiin nih calon eh orang sekampung sendiri udah gitu masih sodare lagi karna katanye bakalan dijanjiin jadi pegawai PNS kalo dia bisa jadi orang no.1 di tangsel....dia ngebelot ke pasangan nyang kaga jelas.....duit udah kaga kenal sodare....
Sembari nguyah pisang goreng bang pendil nambahin, ade lagi bang nyang ini lebih manusiawi si.... orang dikasih duit ya di embat...katanye ni ormas TPJ (team pemburu janur) udah dikasih duit ama calon biar katanye kaga bentrok ama jawara-jawara pasangann yang bakal naek...katanye si orang ngasih persekot ya ane ambil urusan nyolok si masing-masing.....
Ade-ade aja deh orang berbagai cara ngelakuin biar bisa naek kekuasaan nyang paling tinggi padahal itukan amanat ye bang....dari hal yang jelas ape yang goib...
soalnye malem jum'at kemaren po kemah ngeliat bola api di langit nyelonong ngelewatin rumah calon walikota..kate bang kodir sembari ngeluyur ninggalin bang jalut nyang udah managap ketiduran........
(rawie black partim)
nama,tempat & peristiwa hanya fiktif....
पहम डाआआआआआआआआआआआआः उदः वायाह्न्य
PARTIM NEWS "Referensi berita yang sukar dipercaya"
 |
|
|
Semoga diselamat Allah dari kejahatan timses ratu atut chosiyah dan airin rachmi diany ya Bang?
BalasHapus